Trajneri i përfaqësueses U-21 të Kosovës, Rafet Prekazi, e ka publikuar listën e futbollistëve që do t’i ketë në dispozicion për dy ndeshjet kualifikuese të këtij muaji kundër Austrisë dhe Andorrës, të cilat zhvillohen më 9 e 13 tetor, në stadiumin “Fadil Vokrri”, në Prishtinë.
Në këtë listë spikasin emrat e Edi Sylisufajt, Alban Ajdinit, David Nreca-Besinger dhe Shaban Kuqukut, që grumbullohen për herë të parë me dardanët U-21, teksa rikthehet pas disa ndeshjeve mungesë edhe Arton Zekaj. Skuadra do të grumbullohet të hënën, në hotel “International Prishtina”, ndërsa stërvitjen e parë do ta zhvillojë po këtë ditë në stadiumin “Rexhep Rexhepi”, në Drenas, në orën 15:00.
