Premier League do të vijojë të luhet rregullisht dhe pa ndryshime, të paktën në të ardhmen e afërt. Kështu ka vendosur në orët e vona të mbrëmjes (e enjte) qeveria britanike, në bashkëpunim me komitetin mjekësor dhe shkencor, por pa e përjashtuar mundësinë e masave më të rrepta në rast të përshkallëzimit të përhapjes së Coronavirusit në Ishull.
Pra, ndeshjet e Premier League-s do të luhen në fundjavë sipas kalendarit dhe me tifozë, ndërkohë që po në orët e vona të mbrëmjes, në Francë, presidenti i Federatës Franceze të Futbollit, Le Graet, njoftoi ndërprerjen e të gjitha atkiviteteve futbollistike deri më 13 mars.
