Ka një kampionat që e intrigon Antonio Candrevan më shumë se Seria A. Italiani ka zbuluar se në të ardhmen aspiron të luajë në Premier League, ku rivaliteti është i ashpër dhe emocionues. Në të kaluarën mesfushori ka qenë në listen e dëshirave të Manchester United, Chelsea-t dhe Arsenalit. 30-vjeçari është shprehur se dëshiron të testojë aftësitë e tij edhe jashtë kufinjve të Italisë. Candreva shtoi se klubet e Seria A po përmirësohen shumë dhe se ështe i bindur se mund të bëjnë më tepër në kompeticionet europiane. Aktualisht italiani është i fokusur të japë maksimumin per ekipin e tij, Interin, që këtë sezon kërkon të sigurojë biletën për në Champions League. Zikaltrit momentalisht pozicionohen në vendin e tretë me 9 pikë diferencë ndaj Napolit kryesues. Futbollisti nuk la pa përmendur trajnerin e tij Lucciano Spalletti, prej të cilit ka mësuar shumë në nivelin e përqendrimit, motivimit dhe bashkëpunimit në fushën e blertë.
