Trajneri i Atleticos së Madridit Diego Pablo Simeone shpesh e ka përsëritur faktin se eshte shumë i lidhur me Interin dhe se një ditë dëshiron që të ulet në stolin e zikaltërve. Në një intervistë radiofonike Simeone ka lëshuar sërish një deklaratë që duket si një mesazh i qartë në lidhje me të ardhmen e tij drejt klubit milanez.
“Sigurisht që një ditë do të ndodhë. Mungon një datë fikse sigurisht sepse unë kam ende edhe një vit kontratë me Atleticon. Gjithsesi këtë që po them në këto momente e kam shprehur gjithmonë, ndaj nuk e shoh të arsyeshme të shtoj edhe diçka tjetër”.
Momentitalisht drejtuesit e Atleticos po punojnë që të rinovojnë kontratën Simeones. Një marrëveshje nga e cila trajneri pritet të përfitojë një pagë shumë herë më të lartë nga aktualja. Sidoqftë deklarata e argjentinasit është dëgjuar edhe nga drejtuesit e Interit dhe tashmë mbetet për tu parë nëse këtë të fundit do të lëvizin për të nisur kontaktet me 49-vjeçarin. Në radhët e zikaltërve po përflitet gjithnjë e me shumë për një largim të Spallettit, i cili pas eleminimit nga Champions League ka lëkundur jo pak pozitat e tij.