I kënaqur për pikët për dëshirën e shfaqur nga skuadra e tij në fushën e lojës në 20 minutat e para. Besnik Prenga në mikrofonin e Supersport e pranon se Laçi i tij ishte me fat që mposhti 2-1 Tiranën.
Çfarë i ndryshuat skuadrës?
Nuk besoj që i ndryshova diçka. Si nga ana fizike ashtu dhe nga ana taktike. Fillimi ishte i vrullshëm. Jam i kënaqur vetëm me 20 minutat e para. Nga kjo minutë, loja foli për Tiranën. Ata gjetën forca, morën lojën nën kontroll. Portieri ishte lojtari i ndeshjes. Karakteri i lojtarëve ishte ai që më solli mbrapa. Luajtëm përballë një Tiranës, plot dëshirë. Është e pamundur që kjo Tiranë, me trajner dhe lojtarë të mirë, ndodhet në këtë pozicion. Ne na ndihmoi Zoti dhe portieri. Jam i lumtur për fitoren, do të na shërbeje për ndeshjen tjetër.
Ndërhyrjet në merkato, a mund të na i thoni repartet ku duhet të përforcoheni?
Nuk do ishte serioze ti thosha repartet. Nuk e karrikoj dot ekipin, po të them ku jam i pakënaqur. Nuk dyshova asnjë moment që lojtarët do japin maksimumin. Më lejoni të mbaroj edhe ndeshjen tjetër, për të folur për merkaton.
Kërkesa për ndryshimin e terrenit…
I kam kërkuar presidentit që të bëj stërvitje në bar natyral dhe jo artificial. Me këtë terren është dëshira ajo që vendos dhe jo cilësia. Isha i vetëdijshëm që diferencën do e bëjë dëshira. Trajneri i ecën, ka fatin e budallait ditën e parë.
A ke piketuar ndonjë lojtar në Kroaci? A ta shpërbleu Altiparmakovski besimin?
Këto 2 ditët që bëra stërvitjen, u mundova të ndjej rritmi e lojtarë. Unë bëra vetëm 1 ndërrim të detyruar. Përgjigjen e dhashë në fushë. Duheshin zëvendësime, por unë nuk i bëra. Lojtarët duhet të bëjnë maksimumin për të më bindur. Nuk mund të flas për piketimet. Lojtarët i kam të mrekullueshëm.