Kristian Prenga rikthehet në ring në mesin e muajit korrik, për të ndezur “Atlantic City” me një tjetër sfidë të madhe. Boksieri kuqezi do të duelojë për titullin WBA. 32-vjeçari do të ndeshet me kolumbianin Santander Silgado Gelez. Gelez është një kundërshtar me eksperiencë, teksa në karrierën e tij ka arritur që të marrë 32 fitore, prej të cilave 26 me “knock out”.
Lexo edhe:
- “Lajmëroni shokët”/ Pas Dokës, Tirana prezanton rikthimin e shumëpritur në kryeqytet
- Ish-trajner i PSG dhe specialist i kualifikimeve në Botëror, Kosova identifikon pasuesin e Giresse
- Kualifikueset e UEFA-s, SuperSport sjell emocionet e ndeshjeve të Ballkanit dhe Vllaznisë
- VIDEO/ Wimbledon mbaron shpejt për Williams, 43-vjeçarja rrëzohet në rrjetë dhe dëmtohet
Megjithatë, Prenga është besimplotë se në “Boardwalk Hall” do të arrijë fitoren e 14-të në karrierën e tij si profesionit, teksa deri më tani të 13 fitoret e arritura i ka regjistruar me “knock out”.
Boksieri nga Mirdita synon që të festojë sërish me tifozët kuqezi që ndodhen në Shtete e bashkuara të Amerikës për një tjetër sukses madhështor, që të marrë me vete një tjetër titull të rëndësishëm.
Sfida e 22 korrikut mes Prengës dhe Gelez do të vijë në ekranin e SuperSport Digitalb.
