Pronari i ri i Fiorentinës, Rocco Commisso ka vendosur të konfirmojë në detyrë trajnerin Vincenzo Montella, i cili mori klubin vjollcë në prill dhe kaloi dy muaj vërtetë të vështirë, duke siguruar mbijetesën vetëm në javën e fundit.
Manjati italo-amerikan ka vendosur të investojë fuqishëm në klubin nga Firenze, të cilin ka premtuar ta kthejë në nivele të larta, ndërsa puna duket se ka filluar me konfirmimin e Federico Chiesës dhe trajnerit Montella.
Marrin fund kështu hamendësimet mediatike se në Firenze po punonin për të sjellë në pankinë njërin mes Gennaro Gattusos dhe Luciano Spallettit, të dy emra që drejtuan skuadrat e Milanos sezonin që sapo u mbyll.