Gugash Magani deklaroi për Supersport, pas ndeshjes me Lushnjën, se do të dorëhiqet nga drejtimi i Teutës, por e ardhmja e tij duket ende pezull. Presidenti i durrsakëve, Edmond Hasanbelliu ka deklaruar se nuk do ta pranojë dorëheqjen e Maganit dhe se trajneri do të vijojë punën, ashtu siç është parashikuar në kontratën mes të dyve.
Kjo ishte ndoshta një kthesë e papritur për të ardhmen e Maganit, që vetëm pak orë më herët u shpreh se skuadra nuk arrin ta ndjekë dhe se nuk po shpreh në fushë atë që ai i kërkon. Dita e nesërme pritet të sjellë më tepër qartësi për këtë situatë, por nisur edhe nga deklaratat e presidentit të Teutës, duket se Magani do të vijojë punën e tij.