Gjëja më e mire për karrierën e Ferran është të qëndrojë këtu. Me këto fjalë gjatë një interviste për mediat spanjolle, presidenti i Valencias Anil Murthy këshillon futbollistin të qëndrojë në “Mestalla”.
Numri një i klubit deklaroi se në skuadrat e mëdha ai mund të hasë vështirësi në aktivizim, ndërsa te Valencia mund të rritet më shumë si futbollistë pasi e ka më të thjeshtë të marrë minutazh të plotë mes kampionatit dhe Champions League.
Murthy deklaroi se për talentin 19-vjeçar interesohen shumë skuadra, por ai theksoi se mesfushori nuk duhet të ndikohet nga zërat e merkatos, por duhet të përqendrohet dhe të rritet te skuadra e Valencias që zotëron edhe kartonin e tij.