Europa League

Prishtina barazon pa gola në Luksemburg, kualifikimi vendoset në Mitrovicë

Prishtina luajti sot në Luksemburg ndeshjen e parë të vlefshme për eliminatoret e Ligës së Europës, ndërsa nuk shkoi më shumë se një barazim pa gola ndaj vendasve të Fola.

Kryeqytetasit e Josës zhvilluan një ndeshje të mirë ndaj rivalëve modestë, por nuk arritën të gjejnë rrugën e rrjetës, ndonëse mundësitë nuk munguan.

Kualifikimi mbetet të vendoset tashmë javën e ardhshme, kur dy skuadrat do të luajnë ndeshjen e kthimit në stadiumin olimpik “Adem Jashari” të Mitrovicës.

Kujtojmë që Prishtina kaloi fazën paraeliminatore duke mposhtur skuadrën nga Gjirbaltari, Europa FC, me rezultatin total 6-1 (1-1 në Gjibraltar dhe 5-0 në Mitrovicë).

To Top