Prishtina e drejtuar nga trajneri Debatik Curri rikthehet te suksesi në kampionat. Kryeqytetasit mposhtën në transfertë me shifrat 0-1, Drenicën teksa goli vendimtar u shënua nga mbrojtësi Bujar Pllana në minutën e 33-të të pjesës së parë. Duket se rikthimi i Currit te bardhekaltërit ka ndikuar për mirë te lojtarët e Prishtinës teksa pas kualifikimit në Kupë, vjen edhe fitorja në kampionat.
Pas këtij trepikëshi, Prishtina ngjitet në kuotën e 35 pikëve në vendin e katërt të kampionatit. Nga ana tjetër, Drenica mbetet e fundit me 23 pikë pas 26 ndeshjesh të luajtura. Ndërkohë, në ndeshjen tjetër, Drita nuk shkoi më shumë se barazimi pa gola në transfertë ndaj Malishevës.
LEXO EDHE:
- Zyrtarizohet lista për Poloninë, ja risitë e Sylvinhos
- Shorti i Championsit, përplasje “gjigantësh” në çerekfinale
- Europa League/ Juventusi “peshkon” Sportingun, Man. United përballë Sevillas
- Mourinho “mbret” i ironisë: A ka një garë tjetër ku të luajë Lazio?!
Gjilanasit u ndalën pas fitores në derbi, megjithatë mbeten në krye të kampionatit me 52 pikë, edhe pse në rast suksesi të Ballkanit e humbasin kryesimin. Sakaq, Malisheva mbetet në vendin e shtatë me 29 pikë.
