Prishtina eliminon Ballkanin nga Kupa e Kosovës. Skuadra kryeqytetase ia doli të triumfojë 2-0 ndaj kampionëve në fuqi dhe të sigurojë kualifikimin për në gjysmëfinalet e kompeticionit.
Debutim perfekt për Debatik Currin në pankinë, pasi ish-mbrojtësit të Kombëtares Shqiptare iu besua drejtimi i skuadrës dy ditë më parë, pas shkarkimit të Ismet Munishit.
Prishtina ia doli të shënojë golin e avantazhit në minutën e tretë shtesë të pjesës së parë me anë të mesfushorit Kreshnik Uka, i cili ekzekutoi saktë një penallti.
Lexo edhe:
- Rregulli i ri i zëvendësimeve, nëse lojtari nuk largohet për 10 sekonda…
- “Çmenden” arabët, ofertë stratosferike për Lionel Messin
- Një Botëror “extra large”, FIFA miraton formatin e ri të enjten
- Bayern Mynih dhe Chelsea heqin dorë nga sulmuesi francez, Inter “fërkon duart”
Në minutën e 59’ ishte Genc Hamiti që ndëshkoi për herë të dytë kampionët në fuqi të Kosovës, duke vulosur kështu kualifikimi ne Prishtinës në gjysmëfinale.
Krahas kryeqytetasve, në gjysmëfinale u kualifikuan edhe Gjilani, që mposhti 1-5 Trepçën ’89, Vushtria që triumfoi minimalisht 1-0 ndaj Beharit dhe Llapi që mposhti Malishevën me penallti, pasi koha e rregullt u mbyll 2-2.
