Prishtina rimori edhe njëherë kryesimin e renditjes në Vala Superliga, pasi arriti të triumfojë me rezultatin 2-0 në sfidën e zhvilluar në stadiumin “Adem Jashari”, përballë Dritës.
Kryendeshja e javës në kampionatin kosovar ishte e barabartë vetëm në pjesën e parë, sepse kryeqytetasit kaluan në avantazh në minutën e 56’, me anë të mesfushorit prizrenas Meriton Korenica.
Goli i dytë për skuadrën e drejtuar nga Josa, u shënua në minutat shtesë, nga Abdul Basit, ndërsa tekniku tiranas fitoi edhe mini-derbin e tij me Shpëtim Duron.
Më herët, në stadiumin “Adem Jashari” të Mitrovicës, ishte Trepça ’89 që fitoi me rezultatin minimal 1-0 përballë modestëve të Ballkanit, falë një goli të shënuar nga Mircevski në minutat shtesë.
Pas javës së 17, kampionati kosovar i futbollit kryesohet nga Prishtina me 40 pikë, e ndjekur nga Feronikeli me 39, ndërsa kampionët në fuqi të Dritës janë zhytur sërish në krizë rezultatesh, pasi nuk fitojnë prej 4 javësh.
