Feronikeli nuk i bëri dot ballë Prishtinës në sfidën përmbyllëse të javës së 27-të të IPKO Superligës së Kosovës, që u zhvilloi në stadiumin “Fadil Vokrri”. Kryeqytetasit triumfuan me rezultatin 3-1 dhe rikthejnë diferencën prek katër pikësh që ishte me Dritën kryesuese para se të zhvilloheshin ndeshjet e kësaj jave.
Në kryeqytet u zhvillua një ndeshje e hapur dhe me ritëm të kënaqshëm, me Prishtinën që falë cilësive që ka i shfrytëzoi më mirë rastet e krijuara në portën kundërshtare, madje mund të kishte fituar edhe më thellë.
Otto John prishi ekuilibrat në rezultat që në minutën e 11-të, por vetëm pak çaste më vonë barazoi Dabiqaj. Presioni dhe dominimi territorial i ekipit të drejtuar nga Armend Dallku sollën golin e dytë për vendësit në fundin e pjesës së parë, i shënuar nga Mankenda, pas një aksioni model.
Shpresat e Feronikelit për t’u kthyer me pikë nga Prishtina i shuan në minutën e 57-të, kur Ahmed Jonuzi realizoi golin e 3-1, që mbeti rezultati përfundimtar i këtij takimi.
