Prishtina e pandalshme në merkato në prag të sezonit të ri futbollistik. Klubi bardhekaltër, pasi nënshkroi me Sabien Lilajn dy ditë më parë, ka zyrtarizuar këtë të mërkurë edhe 3 afrime të tjera. Bëhet fjalë për Nikson Memajn, Mërgim Pefqelin dhe Donat Hasanaj.
Nikson Memaj, sulmues krahu, kthehet nga futbolli kroat në atë kosovar. Memaj, para se të luante për dy vite e gjysmë tek Hajduku i Spitit, ka luajtur në Kosovë për Gjakovën dhe Vëllaznimin.
“Jam kthyer te Prishtina sepse më kanë pëlqyer projekti dhe ambiciet që ka klubi. Jam një futbollist profesionist dhe duhet të jem i përgatitur për të përballuar me sukses konkurrencën në ekip. Jam gati për të luftuar për një vend në formacion dhe pikërisht për këtë gjë kam ardhur për të lënë gjurmë në klubin më të madh në Kosovë”, – deklaroi për faqen e klubit gjakovari.
Ndërkohë Pefqeli kthehet te Prishtina pas përvojës që kaloi te Llapi, ndërsa Hasanaj luajti nga gjashtë muaj te Drita dhe Flamurtari.