Mendohej e lehtë për Prishtinën dhe në fakt e tillë rezultoi përballja e bardhekaltërve ndaj Dukagjinit në “Fadil Vokrri”, në kuadër të javës së 25-të të IPKO Superligës së Kosovës. Kryeqytetasit, të drejtuar nga Armend Dallku, vuajtën disi në pjesën e parë, që u mbyll në ekuilibër, 1-1.
Otto John zhbllokoi takimin në minutën e 30-të, por për befasinë e të gjithëve miqtë barazuan me Merlakun pak para se skuadrat t’u drejtoheshin dhomave të zhveshjes për pushimin mes pjesëve.
Ahmed Januzi riktheu qetësinë të vendasit në minutën e 68-të, më pas shënuan me radhë Korenica (85’) dhe Uka (88’).
Me këtë fitore Prishtina u rikthye shumë shpejt në vend të dytë, me 50 pikë, dy më pak se Drita e dy më shumë se Gjilani.
Ndërsa Dukagjini mbetet i fundit me vetëm 10 pikë nga 25 ndeshje.
Gjilani bën detyrën ndaj Vushtrrisë, Flamurtari befason Drenicën