Pas merkatos së janarit, që rezultoi produktive, Barcelona po përgatitet për afrimet e verës. Duket se presidenti i klubit “blaugrana” ka ide të qarta dhe një prioritet në projektin e tij.
Në listën e Barçës për afrimet që dëshiron të bëjë në verë janë Franck Kessie, Cesar Apilicueta, Andres Christensen dhe Alejandro Grimaldo, ndërsa në janar klubit të katalanasve iu bashkuan Ferran Torres, Adama Traore, Dani Alves dhe Pierre Aubameyang.
Megjithatë përtej këtyre emrave, Laporta ka prioritet të padiskutueshëm vetëm një emër dhe ai është një sulmues.
Sipas raportimeve të “SPORT”, pavarësisht afrimit të Aubameyang këtë dimër, klubi katalanas është në kërkim të një sulmuesi të ri për sezonin e ardhshëm. Deri më tani, objektivi numër një duket të jetë Erling Haaland, por në rast se ky transferim nuk bëhet, atëherë Barcelona do të synonte profile të tjera si Alexander Isak, Lautaro Martinez apo Robert Lewandowski.