Ardian Limani: “Është titulli i dytë, pas atij me Feronikelit. Ka qenë e vështirë, sepse kemi luftuar me disa ekipe të forta. Kemi zhvilluar futboll të bukur dhe e kemi marrë me meritë titullin. Punuam gjatë gjithë javës për të mbuluar sulmuesit e tyre dhe ia dolëm mbanë. Futbolli luhet për tifozët dhe ne kemi tifozët më të mirë në Kosovë. Dedikimi është plotësisht për “Intelektualët”. Kanë qëndruar këtu gjatë natës dhe kanë fjetur në park, e meritojnë titullin. Ne kemi qenë me plot vetëbesim, prej fillimit e kemi formuar ekipin për titullin. Gjërat ashtu siç duhet.”
Kastriot Rexha: Është një ndjenjë e veçantë kur e fiton titullin, sidomos me Dritën, që priste prej 15 vitesh. Jam shumë i lumtur që kemi gëzuar tifozët e Dritës. Kam luajtur me hundë të thyer. Ky është titulli i dytë kampion, një e kam marrë më Hysin. Qyteti ka qenë plot në tifozë, kjo nga ka bërë të lumtur dhe optimistë.
Përparim Livoreka: “Është privilegj i madh të jesh pjesë e Gjilanit. Vjet ishim për barazh, por ambiciet ndryshuan. Prej fillimit të sezonit kemi bërë ndeshje të bukura, për të arritur deri këtu dhe mendoj se e kemi merituar.”
