Carlo Ancelotti protestoi ashpër për një gol të anuluar gjatë ndeshjes mes Evertonit dhe Manchester Unitedit, që u mbyll në barazim 1-1, por ia hodhi vetëm me një gjobë prej rreth 9500 eurosh nga ana e Federatës Angleze.
Për trajnerin italian u hap një hetim, por në fund Federata njoftoi se ka vendosur të mos e pezullojë atë, pasi vetë Ancelotti ishte shfaqur i penduar për sjelljen e tij dhe kishte dhënë garanci se do të shmangte të tilla reagime.
Në këtë mënyrë Ancelotti do të ulet rregullisht në pankinë në ndeshjen e kësaj fundjave që do të luhet në “Stamford Bridge” përballë të shkuarës së tij, Chelseat, ku do të kërkojë një tjetër rezultat pozitiv.
