Connect with us

Hi, what are you looking for?

Formula 1

Provat zyrtare në Australi, rikthehet Mercedesi dhe spostohet Alonso! Ferrari në telashe

Formula 1 përgatitet për garën e tretë të sezonit atë në Australi teksa ditën e sotme u zhvilluan provat zyrtare. Në Melbourne, Max Verstappen dhe Red Bull konfirmuan superioritetin teksa piloti holandez nuk e vendosi në diskutim vendin e parë dhe në këtë formë në garën e së dielës do të niset në Pole Position.

Pas krahëve të Red Bull, u renditën dy makinat Mercedes me George Russell që zuri vendin e dytë ndërsa pas tij, vendi i tretë ishte për Lewis Hamilton. Një provë e mirë për skuderinë gjermane që tashmë duhet të mbajë ritmin edhe në garë teksa “Shigjetat e Arta” mbeten në kërkim të përmirësimit për t’u rikthyer te konkurrenca me Red Bull-in. Ndërkohë, Fernando Alonso dhe Aston Martin i tij nuk shkuan më shumë se vendi i katërt.

Lexo edhe:

Megjithatë, piloti veteran në garë e ka vërtetuar se gjen ritmin e duhur. Vendi i pestë për Carlos Sainz me Ferrarin që vijon të mbetet larg kreut teksa piloti tjetër i talianëve, Charles Leclerc u rendit i shtati. Në mesin e dyshes Ferrari u pozicionua Lance Stroll. Sakaq, dhjetëshja e parë u plotësua nga Albon, Gasly dhe Hulkenberg.

Ndërkaq, vlen të theksohet se piloti i dytë i Red Bull Sergio Perez do të niset nga vendi i fundit pasi nuk mundi të regjistronte kohë si pasojë e një aksidenti në pjesën e parë të provave, ndërsa nga ana tjetër, edhe piloti vendas Oscar Piastri zhgënjeu turmën pasi nuk mundi të shkonte më shumë se vendi i 16-të.

Lajme të tjera

Champions League

Manchester City dështoi te penalltitë përballë Realit të Madridit, duke i thënë lamtumirë Champions League. Rrugëtimi i kampionëve në fuqi u mbyll në çerekfinale,...

Eredivisie

Lajm i keq për tifozët e Vitesses, skuadër e Eredivisies. Përmes një njoftimi zyrtar për shtyp, KNVB (d.m.th. Federata Holandeze e Futbollit) njoftoi se...

Featured

Aksionet e familjes Halili te Tirana dalin në shitje. Zyra e Përmbarimit privat Albase ka shpallur daljen në ankand të 66% të aksioneve të...

Serie A

Mesfushori i Interit, Hakan Calhanoglu ka dhënë një intervistë për faqen humoristike sportive “Gli Autogol”, ku ka rrëfyer dhe aspekte të tjera të shokëve...