Klaus Gjasula komentoi për SuperSport humbjen 2-1 të kombëtares kuqezi në Izrael, rezultat që na mban në vend të fundit në grup. 32-vjeçari u ndal te ndryshimi i skemës, teksa ka edhe një mesazh për shokët e skuadrës.
“Taktika nga 4 në 3 mbrojtës? Jo, nuk solli luhatje ndryshimi i skemës. Trajneri vendosi të kalonte me 3, sepse Izraeli po na dominonte. Ata kishin topin dhe po sulmonin, prandaj trajneri donte të ishim më të qëndrueshëm.
Ne kishim momente të mira në ndeshje, kishim topin dhe hapësira, por në fund mungoi pak ‘dhuna’ për të shënuar me çdo kusht. Nuk e kishim, më pas u ndëshkuam. E vështirë të themi se pse përfundoi kështu.
Presioni është një gjë, por duhet të mësojmë të luftojmë çdo ditë, të gjithë, çdo ditë. Fatin nuk e ke po nuk e meriton…
Pas 20 minutave e humbëm kontrollin, e morën ata kontrollin. Më pas trajneri vendosi të kalonim me 3 në mbrojtje”, deklaroi lojtari i Darmstad në Bundesliga 2.