Roma u mposht në derbi me rezultatin 1-0 ndaj Lazios ndërsa si gjithnjë sa herë zbresin në fushë dy skuadrat e kryeqytetit, tensioni është i lartë. Një tension që vijoi edhe në dhomat e zhveshjes me Mancinin që kishte diçka për të sqaruar me Luis Alberton dhe Romagnolin.
Prezent aty ishte edhe presidenti i Lazios, Claudio Lotito i cili kërkoi të ulte disi tensionet. Mirëpo, situata agravoi në momentin që në dhomat e zhveshjes hyri Jose Mourinho. Ky i fundit ishte i pezulluar dhe nuk mund ta drejtonte skuadrën nga stoli, por e gjeti mënyrën për t’u bërë protagonist. Sapo luzitani pa Lotiton iu drejtua me fjalët; “Pse sheh?” E menjëhershme përgjigja e numrit një të lacilëve që i kthehet Mourinhos: “Po ti kush je?”.
Lexo edhe:
- Kombëtare/ Ismajli nuk ia del, Sylvinho gjen zëvendësuesin e tij në Portugali
- VIDEO/ Gol spektakolar, Bregu frymëzon përmbysjen te Boluspor
- VIDEO/ Messi e Mbappe nuk e frikësojnë Rennes, PSG “turpërohet” në shtëpi
- Red Bull dominon në Arabinë Saudite, Verstappen rikuperon 13 pozicione/ Përmirësohet Mercedes
“Pse sheh?”, pyet Mourinho Lotitton. “Ti pse sheh? Unë jam presidenti i Lazios. Kush je ti? Je i skualifikuar, nuk mund të rrish këti”, thotë Lotito. Më pas në debat ndërhyn edhe drejtori i Romës, Pinto që mori në mbrojtje Mourinhon. Gjithsesi, tashmë mbetet për t’u parë nëse do të ketë një tjetër masë për luzitanin pasi zbriti në dhomat e zhveshjes.
