Nice ndal hapin e Paris Saint-Germain në Ligue 1, e mposht 1-0 në “Allianz Riviera” dhe ngjitet të paktën përkohësisht në vendin e dytë me 49 pikë, një më shumë se Olimpique Marseille, që luan këtë të diel përballë Lyonit.
Kjo humbje tregoi edhe një herë peshën që ka Kylian Mbappe në formacionin e Pochettinos. Sulmuesi francez mungoi në këtë ndeshje për arsye kartonësh dhe as Messi, as Neymar, nuk ia dolën të shënon.
Gjatë pjesës së parë vlen për t’u përmendur një rast i Di Marias, po reagimi i portierit Benitez ishte fantastik.
Emocionet ishin të jashtëzakonshme në fundit e sfidës. Kluivert gaboi në një moment kundërsulmi për Nicen, por sërish pas një aksioni të shpejtë të vendësve realizoi një gol fantastik Delord.
Në kohën shtesë u desh ndërhyrja e sistemit VAR për t’i anuluar një 11-mersh Nices, pas ndërhyrjes së gabuar të Icardit, gjithsesi pas këtij momenti kryesori vërshëlleu për përfundimin e takimit. Pavarësisht humbjes, PSG mbetet i shkëputur në krye më 62 pikë, 13 më shumë se Nice.
