E ardhmja e Mauricio Pochettino te Paris Saint-Germain është kthyer në një telenovelë të vërtetë, ndërsa gjatë sezonit që u mbyll është diskutuar shpesh herë për shkarkimin e teknikut argjentinas.
Sipas raportimeve të “Le Parisien”, PSG ka rënë dakord me 50-vjeçari për të ndërprerë bashkëpunimin, një vit para skadimit të kontratës mes tyre.
Pochettino, i cili është vënë me dije për këtë kërkesë të klubit parizien prej disa kohësh tashmë, do të largohet nga PSG-ja pas një viti e gjysmë, skuadër me të cilën fitoi një titull të Ligue 1, por nuk ia doli të kishte ecuri pozitive në Champions League, ku u eliminua nga Real Madrid.
Ndërkohë, sipas raportimeve të medias franceze zyrtarizimi i ndërprerjes së kontratës pritet të bëhet këtë javë, ndërsa Galtier mund të marrë vendin e Pochettinos dhe të emërohet trajner i ri i Paris Saint-Germain.
