Paris Saint Germain dhuron spektakël ndaj Marseille dhe shkëputet akoma më shumë në krye të Ligue 1. Në Parc des Princes parizienët e Thomas Tuchel fituan me rezultatin e thellë 4-0, gola që u shënuan të gjithë në pjesën e parë për meritë të Mauro Icardit dhe Kylian Mbappe që realizuan nga dy herë edhe pse një meritë të padiskutueshme e kishte Angel Di Maria me 3 asiste. Kjo ishte fitorja e 9-të në 10 ndeshjet e fundit për PSG në të gjitha kompeticionet dhe 4-ta radhazi në kampionat. Me suksesin në klasiken ndaj Marseille, PSG u ngjit në kuotën e 27 pikëve, 8 më shumë se Nantes e vendit të dytë.