Hap fals i Paris Saint Germain pas 9 suksesesh rresht mes Ligue 1 dhe Kupës së Ligës e Kupës së Francës. Skuadra e Thomas Tuchel me mendjen te sfida ndaj Dortmundit në Champions dhe me shumë titullarë të lënë pushim, barazoi 4-4 në transfertën ndaj Amiens. PSG arriti të përmbyste disavantazhin e 3 golave edhe pse nuk kishte në fushë emra si Mbappe apo Neymar por në fund Amiens barazoi në 4-4 dhe arriti t’u rrëmbente një pikë kampionëve të Francës. Pas finalizimeve të Guirassy, Kakuta dhe Diabate, PSG shënoi 4-herë fillimisht me Ander Herreran në fund të pjesës së parë dhe më pas me mbrojtësin e talentuar 17-vjeçari Kouassi që shënoi dy herë dhe Icardin që i çoi shifrat në 3-4. Megjithatë goli i Guirassy në minutën e 91-të, i dha një pikë Amiens dhe i hoqi fitoren nga duart skuadrës pariziene.
