Paris Saint Germain nuk ka ndërmend të dorëzohet për Kalidou Koulibaly. Sipas mediave franceze, drejtuesit e parizienëve për ta bindur mbrojtësin të transferohet në Ligue 1, i kanë ofruar atij një page prej 12 milionë Eurosh në vit, pasi e shikojnë si pasuesin ideal të Thiago Silva.
28-vjeçari kishte refuzuar më pare një ofertë për t’u transferuar në Paris, por duke pare situatën e ndërlikuar që po kalon skuadra e Napolit, ku pavarësisht ndërrimit të trajnerëve me largimin e Ancelottit dhe ardhjen e Gattusos, gjërat nuk kanë ndryshuar, futbollisti duket se ka ndërruar mendje dhe mund të marrë në konsideratë superofertën e Leonardos.