Paris Saint-Germain dhe sulmuesi Eric Maxim Choupo-Moting pranë marrëveshjes për zgjatjen e kontratës. Klubi parizien dhe 31-vjeçari, i cili tashmë është futbollist i lirë, janë të bindur se do të shtrëngojnë duart shumë shpejt.
Choupo-Moting ka luajtur vetëm nëntë ndeshje në kampionat sezonin e fundit, megjithatë drejtuesit e PSG-së e shohin alternativë të besueshme për fazën sulmuese nëse do të ketë probleme me emra të tillë si Neymar, Mbappe dhe Icardi.
Kuptohet që me konkurrencën e madhe që ekziston në sulmin e kampionëve të Francës, hapësirat për këtë futbollist do të jenë të kufizuara.