Humbje e papritur e PSG në fushën e Dijonit në ndeshjen hapëse të javës së 12 të Ligue 1. Duket se mungesa e Neymarit duket se ndikoi drejtpërdrejt në lojën e skuadrës së drejtuar nga Thomas Thuchel, që edhe pse kaloi e para në epërsi me Mbappe në minutën 19-të, në fund doli e humbur nga kjo transfertë pasi Chouiar në fund të pjesës së parë dhe Cadiz në fillim të fraksionit të dytë përmbysën situatën në favor të vendasve.
As aktivizimi i Kurzawas, Cavanit dhe Draxlerit nuk bënë efekt, pasi rezultati nuk ndryshoi në minutat e mbetura.
Gjithsesi, kjo humbje nuk e cënon objektivin e PSG-së për titullin kampion, pasi vazhdojnë të kryesojë me 27 pikë, 8 më shumë se Nantes e vendit të dytë. E çuditshme, por e vërtetë, Dijoni me këtë sukses la vendin e fundit, duke parakaluar në renditje Nimes dhe Metz.
