Kamer Qaka bën lëvizjen e madhe në Rumani, me futbollistin e kombëtares që ka firmosur këtë të martë për Steauan e Bukureshtit, klubin më të madh në vend. Mefushori ka udhëtuar këtë të martë drejt kryeqytetit ku ka takuar drejtuesit e Steauas për të finalizuar marrëveshjen, që është arritur për 5 vitet e ardhshme mbi bazën e 500 mijë eurove, të cilat do të përfitojë skuadra e Poli Iasit. Vetë Qaka nga kjo marrëveshje do të marrë një pagë prej 12 mijë euro në muaj për vitin e parë dhe më pas në mënyrë progresive, 13 mijë euro për sezonin e dytë, 14 mijë euro për sezonin e tretë dhe për të arritur në 15 mijë euro në muaj për sezonin e fundit. Qaka konsiderohet si një përforcim i rëndësishëm për mesfushën e Steauas, që është në garë me Cluj për fitimin e titullit kampion në Rumani dhe ardhja e tij është përshëndetur dhe nga tifozët e klubit rumun.