Kenan Hreljic largohet nga Teuta. Qendërmbrojtësi boshnjak, i mbërritur në Durrës gjatë merkatos së dimrit, nuk do të jetë pjesë e “Djemve të Detit” në vazhdim. “Divorcin” me 22-vjeçari e ka zyrtarizuar vetë klubi durrsak në rrjetet sociale.
“KF Teuta zyrtarizon mbylljen e bashkëpunimit me Kenan Hreljic. Boshnjaku ka ndërprerë sot marrëveshjen me Teutën. Klubi falënderon Kenan Hreljic për kontributin e dhënë me fanellën tonë dhe njëkohësisht i uron suksese në karrierë.”
Hreljic është aktivizuar në total në 18 ndeshje: 10 në kampionat, 7 në Kupë si dhe në finalen e Superkupës.
