Connect with us

Hi, what are you looking for?

Kombëtare

Qershori, muaji i rëndësishëm i kombëtares

Kombëtarja e Shqipërisë do të rikthehet në fushë për dy ndeshjet e radhës kualifikuese në muajin qershor. Kuqezinjtë do të presin Moldavinë në datën 17 qershor në Air Albania dhe tre ditë më vonë do të vizitojnë Ishujt Faroe. Një moment shumë i rëndësishëm për të besuarit e Sylvinhos, të cilët do të synojnë maksimumin në të dyja ndeshjet, për t’u futur në rrugën e duhur drejt finaleve të kampionatit europian.

Ndaj Polonisë, Sylvinho pati mundësinë që për të parën herë të shohë skuadrën në fushën e lojës, ndërsa tifozët morën sinjalet pozitive nga skuadra, duke shtuar besimin se në këto kualifikuese ekipi mund të arrijë një nga dy vendet e para. Humbja me Poloninë e lë Shqipërinë në vendin e fundit, por barazimi i Moldavisë me Çekinë është një rezultat favorizues për kuqezinjtë.

Lexo edhe:

VIDEO/ Vendos goli i Swiderskit, Sylvinho debuton me humbje te Shqipëria
Cikalleshi: Keqardhje për golin, kjo Kombëtare i bëri shqiptarët të ndihen mirë
Gjasula: Ishim pa fat, jam shumë optimist për të ardhmen

Fundi i sezonit, është një moment delikat, ku pjesa më e madhe e lojtarëve janë të ngarkuar, por në anën tjetër kuqezinjtë duhet t’i bëjnë detyrat siç duhet, duke menduar se në shtator kundërshtarët e radhës do të jenë Çekia dhe Polonia, dy rivalët direkt për vendet e para.

Periudha deri në ndeshjet e radhës është e konsiderueshme e lojtarë si Berat Gjimshiti, Ardian Ismajli e Keidi Bare pritet që të rikuperohen, ndërkohë që sytë janë dhe nga Armando Broja, i cili është në pikëpyetje nëse mund të zbresë në fushë deri në qershor.

Loja e treguar në Varshavë jep besim se kuqezinjtë do të kenë rritje në ndeshjet e qershorit, ku së bashku me trajnerin Sylvinho mund të festojnë pikët e para, për të besuar tek objektivi Gjermani 2024.

Lajme të tjera

Formula 1

Homoseksualiteti i deklaruar nga Ralf Schumacher ka qenë një nga temat e diskutuara në konferencën për shtypin të FIA-s, këtë të enjte, në Çmimin...

Futboll

Trajneri i Fenerbahçes, Jose Mourinho është shumë i fokusuar në merkato, për ta përforcuar skuadrën e tij që të jetë sa më konkurruese jo...

Serie A

Në ditën e prezantimit të Thiago Mottës si trajneri i ri i Juventusit foli edhe Cristiano Giuntoli. Drejtori teknik i bardhezinjve e nisi me...

Futboll

Pasi përfundoi sezonin 2023/24 me një humbje në finalen e Championsit përballë Realit të Madridit (2-0), Borussia Dortmund pëson humbje të papritur edhe në...