Kualifikimi i “Dardanëve” në Play Off-in e Nations League mbush “xhepat” e pjesëtarëve të përfaqësues së Kosovës. Qeveria e Kosovës ka vendosur i akordojë skuadrës 500 mijë euro, si shpërblim për këtë arritje historike.
Kualifikimin për kalimin nga Liga D në Ligën C, Kosova e siguroi pas fitores kundër Azerbajxhanit, të martën në Prishtinë, me rezultat 4-0.
Propozimin për dhënien e këtij shpërblimi e bëri ministri i Kulturës, Rinisë dhe Sportit, Kujtim Gashi.
Ai, përmes rrjetit social Facebook, tha se ndarja e këtyre mjeteve financiare është shenjë përkrahjeje për pjesëtarët e Kombëtares në futboll “që kanë shkëlqyer në të gjitha lojërat që janë zhvilluar në grupin D”.