Surpriza më e madhe në vitit në futboll francez është pa dyshim Monaco, që pas disa sezoneve të mrekullueshme, ku kulmin e pati me titullin kampion dhe arritjen deri në gjysmëfinale të Championsit, tashmë po përjeton një makth të vërtetë.
Skuadra e drejtuar nga Tierry Henry (mori këtë post pas largimit të Jardim) po kalon një krizë që nuk kuptohet se ku e ka fundin. Mban vendin e fundit si në Ligue 1 edhe në grupet e Championsit. Skuadra nga Principata nuk fiton një ndeshje që nga 11 gushti. Një situatë vërtet e rëndë e që është bërë e padurueshme për Radamel Falcaon, i cili dëshiron të ndryshojë ambient duke iu ofruar Realit të Madridit.
Sikurse raportojnë mediat spanjolle, sulmuesi kolumbian, kapiteni historik dhe “bomber” i Monacos, është i disponueshëm për t’u zhvendosur në “Bernabeu”, duke parë se “Los Blancos” janë në kërkim të një njeri-gol, pasi e shohin të pamundur arritjen tek Icardi, Lewandowski apo Harry Kane.
Drejtuesit e Realit e po e vlerësojnë këtë mundësi, aq më tepër që e ka admiruar prej kohës “El Tigren”. Falcao është 33-vjeç dhe ka shënuar vetëm 4 gola në këtë sezon. Në marrëveshja arrihet, do të kemi të bëjmë me një rikthim në Madrid, duke qenë së më parë ka veshur fanellën e Atleticos.