Connect with us

Hi, what are you looking for?

Merkato

Rafinha drejt Betisit, i prish një tjetër pazar Interit

Ndonëse zhvilloi paraqitje mjaft të mira me fanellën e Interit gjatë gjysmës së dytë të sezonit të kaluar, drejtuesit e klubit zikaltër vendosën të mos ushtrojnë të drejtën e blerjes së brazilianit Rafinha.

Fantazisti u rikthye te Barcelona dhe pavarësisht paraqitjeve të mira në miqësoret e verës, duket se nuk do të qëndrojë gjatë aty, pasi është në pritje të mësojë të ardhmen e tij.

Mediat spanjolle raportojnë se babai menaxher i Rafinhës, është parë pasditen e sotme në Sevilla, ku ka takuar drejtuesit e Betisit, skuadër që mund të marrë shërbimet e lojtarit.

Natyrisht që ky është një lajm që lë shije të hidhur te Interi, pasi zikaltrit kanë qenë në negociata me skuadrën andaluziane, për transferimin e portugezit Joao Mario.

Nëse Rafinha vendos të transferohet te Betis, atëherë portugezi do të vijojë të mbetet te Interi dhe do t’u kushtojë shtrenjtë zikaltërve, që do të paguajnë një pagë të majme, për një futbollist që nuk bën pjesë në planet taktike të trajnerit.

Në këto momente është e sigurt që te Interi po mendojnë se sa mirë do kishte qenë të blinin Rafinhën, pasi do të kishin shtuar alternativat në dispozicion të Spallettit dhe do të ishin liruar nga Joao Mario.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...