Intervista e dhënë për Supersport, nga Drejtori Sportiv i Partizanit, Olsi Rama, në përfundim të ndeshjes në Korçë, që u fitua nga të kuqtë me rezultatin minimal 0-1.
10 pikë larg Skënderbeut. A mund të themi se i hoqët korçarët nga gara për titull?
Më lejoni të shpreh ngushëllimet për familjen e Vasillaq Zërit, pasi është një humbje e madhe për futbollin. Shpreh keqardhjen time. Jam i kënaqur nga fitorja në Korçë, ka gjithmonë bukurinë e vet. Unë e kam thënë, do i shoh vetëm 2-3 javët e fundit çështjet e renditjes. Tani, luftën e kemi me veten tonë, të fitojmë ndeshjen e radhës.
Çfarë pe diçka ndryshe nga kjo fazë e re e kampionatit?
Kam parë seriozitetin e ekipit në Antalia, kemi bërë mirë në ndeshjet stërvitore atje, por edhe sot luajtëm si ekip. Terreni i vështirë nuk na lejoi të dilnim në lojën tonë. E pritëm kundërshtarin dhe dolëm përpara me kundërsulm.
Lojtarët e rinj kur do jenë gati?
Duka ka një problem muskulor, por në fushë do luajë kush ta meritojë.
Lum Rexhepi…
Sot tregoi karakter e cilësi në fushë, mendoj se është një vlerë e shtuar.