Vetëm 3 ditë para festës së titullit kampion, Drejtori Sportiv i Partizanit, Olsi Rama dha një intervistë për mediat, ku komentoi zërat mbi negociatat me Migjen Bashën, por edhe strategjinë në merkato të klubit të kuq.
Cila do jetë strategjia në merkato e Partizanit?
Normalisht unë kam shumë dëshirë të fokusohem te të rinjtë, por Liga e Kampioneve është një aktivitet që kërkon dhe gërshetim të lojtarëve me përvojë, dhe do operojmë me kujdes në këtë sektor.
A është Basha një opsion?
Nuk kemi tratativë zyrtare me të. Ai doli një foto me lojtarët e Partizanit në grumbullimi e Kombëtares, por kjo nuk do të thotë që do jetë lojtar i Partizanit.
Në cilin stadium do luajë Partizani sezonin e ardhshëm?
Duke shpresuar që shumë shpejt të përfundojë stadiumi ynë, do shohim me qetësi nëse “Selman Stërmasi” apo “Arena e Kombëtares” do na ofrojnë kushtet më të mira në gjithë drejtimet. Shpresojmë të kemi dhe më shumë tifozë në sezonin pasardhës.