Connect with us

Hi, what are you looking for?

Futboll

Ramadani shkëlqen te Velje, grumbullohet nga U-21

La Partizanin gjatë kësaj vere për të nisur një aventurë të re te Velje në kategorinë e dytë të futbollit danez. Por edhe pse ka vetëm pak kohë që është bërë pjesë e skuadrës që tashmë drejtohet nga ish trajneri i të Kuqëve, italiani Adolfo Sormani, Ylber Ramadani po i mahnit të gjithë me paraqitjet e tij. Klas, teknikë, forcë dhe vizion për lojën janë këto disa nga cilësitë e mesfushorit shqiptar i cili është shndërruar menjëherë në një titullar të padiskutueshëm te Velje me trajnerin Sormani që i ka dorëzuar celësat e repartit të ndërmjetëm talentit kuqezi. Objektivi kryesor i Veljes është ngjitja në elitën e futbollit danez dhe deri tani fillimi i kampionatit ka qenë me të vërtetë mbresëlënës për skuadrën e Ramadanit dhe Sormanit pasi Velje kryeson klasfikimin e kategorisë së dytë me pikë të plota.

Në 3 ndeshjet e para Ramadani ka luajtur me minutazh të plotë duke shfaqur një pjesë të mirë të potencialit të tij. Falë formës së mirë që ka treguar me Veljen ish mesfushori i Partizanit është grumbulluar nga trajneri i kombëtares Shpresa të Shqipërisë për dy sfidat e rradhës kualifikuese që kuqezinjtë do ti luajnë në muajin Shtator ndaj Irlandës së Veriut dhe Islandës. Lajmi është konfirmuar nga vetë klubi i Veljes në faqen zyrtare. Shqipëria e 21-vjecarëve e nisi me një barazim pa gola ndaj Estonisë fushatën kualifikuese për Europianin e vitit 2019. Ramadani deri tani është aktivizuar në 7 takime me kuqezinjtë e rinj. Kalimi i 21-vjecarit nga Partizani te Velje gjatë kësaj vere solli në arkat e klubit të kuq rreth 200 mijë Euro.

Lajme të tjera

Champions League

Manchester City dështoi te penalltitë përballë Realit të Madridit, duke i thënë lamtumirë Champions League. Rrugëtimi i kampionëve në fuqi u mbyll në çerekfinale,...

Bundesliga

Serie A dhe Bundesliga kanë një mundësi të artë për të dërguar sezonin e ardhshëm në Champions League jo 5, por plot 6 skuadra!...

Serie A

Mesfushori i Interit, Hakan Calhanoglu ka dhënë një intervistë për faqen humoristike sportive “Gli Autogol”, ku ka rrëfyer dhe aspekte të tjera të shokëve...

Eredivisie

Lajm i keq për tifozët e Vitesses, skuadër e Eredivisies. Përmes një njoftimi zyrtar për shtyp, KNVB (d.m.th. Federata Holandeze e Futbollit) njoftoi se...