Rangers ka përforcuar krahun e djathtë të sulmit me Rabbi Matondo, 21-vjeçarin e ardhur nga gjermanët e Schalke 04 për 3 milionë euro.
Lojtari ofensiv numëron 11 ndeshje me kombëtaren e Uellsit, ndërkohë që sezonin e fundit ishte i huazuar te Cercle Brugge. Me ekipin belg realizoi 10 gola në 27 ndeshje.
“Ky është një klub i madh me shumë histori. Unë thjesht dua të krijoj më shumë kujtime dhe më shumë histori te Rangers”, deklaroi Matondo.
Ndërkohë, trajneri i “gjigantit” skocez, Giovanni van Bronckhorst tha: “Unë shpreha javën e kaluar dëshirën për të shtuar më shumë cilësi sulmuese në skuadrën time, dhe ne të gjithë besojmë se Rabbi do ta bëjë këtë”.
Sulmuesi anësor, i cili ka firmosur për 4 vite me 55 herë kampionët e Skocisë, është përforcimi i katërt për nënkampionët e Europa League pas Antonio Colak, Tom Lawrence dhe John Souttar.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
