Manchester United u rikthye te suksesi mbrëmjen e së mërkurës në kampionat teksa “Djajtë e Kuq” mposhtën me rezultatin 1-3 në transfertë Brentford. Një nga futbollistët që impresionoi së tepërmi trajneri Ralf Rangnick ishte Scott McTominay, teksa gjermani nuk i kurseu elozhet për mesfushorin e tij.
“Scott McTominay ishte i jashtëzakonshëm, u tregua një lider i vërtetë dhe kjo pjesë e karakterit ishte shumë “ngjitëse” edhe për futbollistët e tjerë në fushë. Por, edhe Bruno Fernandes pati një performancë të mirë duke asistuar në rastin e golit të dytë dhe të tretë”, u shpreh Rangnick.
Sakaq, McTominay ishte autor i 11 topave të rikuperuar, katër pastrimeve në zonë, ndërsa regjistroi edhe 47 pasime të sakta para se të zëvendësohej në minutën e 84.
[quiz-cat id=”297408″]
