Manchester United është duke mbyllur një sezon zhgënjyes në Premier League teksa kur kanë mbetur vetëm katër javë nga mbyllja e kampionatit Djajtë e Kuq mbeten me shanse minimale për të mbërritur në katër vendet e para të klasifikimit.
Së fundmi, United pësoi dy disfata radhazi ndaj Liverpool dhe Arsenal, me trajnerin aktual Ralf Rangnick që mbeti shumë i zhgënjyer nga të tijtë duke theksuar se drejtuesit duhet të bëjnë një revolucion për sezonin e ardhshëm dhe të sjellin 10 futbollistë të rinj në merkato.
Megjithatë, Erik Ten Hag që tashmë është zyrtarizuar si timonieri i ri i Djajve nga sezoni i ardhshëm duket se është i një tjetër mendimi dhe drejtuesve i ka theksuar se nuk kërkon revolucion, por evolucion.
Në listën e dëshirave të trajnerit Ten Hag janë tre futbollistët të cilët duhet t’i bashkohen me patjetër Manchesterit pasi cilësohen të rëndësishëm dhe fjala është për Darwin Nunes të Benficës, Jurrien Timber të Ajax dhe Pau Torres të Villareal. Ndërsa nga ana tjetër, Ten Hag nuk sheh pjesë të projektit të tij Bailly, Martial, Telles dhe Aron Wan-Bissaka, teksa mbetet në dyshim edhe Cristiano Ronaldo.