Të dielën Manchester United luan derbin daj rivalëve blu të qytetit, Manchester City, ndërsa trajneri i Djajve të Kuq, Ralf Rangnick ka zbuluar edhe atë se çfarë i ka zili “Qytetarëve”. Tekniku gjerman ka theksuar se City prej kohësh punon me trajnerin Pep Guardiola duke i lënë kohë spanjollit të ushtrojë idetë e tij ndërsa shton se e njëjta ndodh edhe te Liverpool, por, ky rregull i pashkruar nuk zbatohet te Manchester United.
“Fokusi im është të zhvilloj edhe më shumë skuadrën aktuale dhe të marr më të mirën nga ky sezon. City dhe Liverpool kanë vazhdimësi sepse kanë pasur të njëjtin trajner në pesë apo gjashtë vitet e fundit. Ata kanë një identitet të qartë në fushë dhe dinë si të luajnë.
E njoh personalisht Klopp, ndërsa Guardiolën e njoh prej kohës kur drejtonte në Gjermani. Ai ka një ide të qartë mbi atë që kërkon dhe ky është sekreti pas sukseseve që kanë pasur Liverpool dhe Manchester City. Kjo është diçka të cilën duhet ta aplikoj shumë shpejt edhe Manchester United sepse këtë e praktikojnë të gjithë klubet më të mira në Europë.