Andrea Ranocchia mund të qëndrojë te Interi edhe për dy sezone të tjerë. Kjo është ajo që shkruajnë mediat italiane, sipas të cilave klubi zikaltër i ka ofruar mbrojtësit rinovimin edhe për dy sezone, por me ulje të pagës. Nëse palët arrijnë një marrëveshje, Ranocchia do të përfitojë 1.5 milionë euro në sezon, nga 2.4 që merr aktualisht. 31-vjecari e ka humbur prej kohësh vendin e titullarit në formacionin e Spallettit, por ai mbetet një lojtar i rëndësishëm në prapavijë sa herë thirret në detyrë. Gjatë këtij sezoni, Ranocchia është aktivizuar vetëm në 7 takime në të gjitha kompeticionet.