Milot Rashica la pas dëmtimin dhe u rikthye titullar për Werder Bremenin në transfertën ndaj Borussias së Dortmundit, ku i mjaftuan vetëm 7 minuta lojë për të lënë shenjën e tij, duke shënuar golin e avantazhit për të tijtë.
Sulmuesi nga Kosova mori një top në hyrje të zonës, në pozicion të prirët me portën dhe gjuajti menjëherë, duke dërguar sferën në rrjetën e portës së Burkit, por festa e Bremenit zgjati vetëm dy minuta.
Kjo pasi verdhezinjtë reaguan menjëherë dhe barazuan në minutën e 9’ me anë të fantazistit gjerman Mario Goetze, ndërsa në fund të pjesës së parë ishte Marco Reus që shënoi edhe golin e dytë të Dortmundit.
Në pjesën e dytë, Werderi ia doli të shënojë me Friedl në minutën e 55-të të takimit dhe më pas administroi mirë lojën, duke arritur të shkëputë një barazim me shumë vlera, ndërsa Dortmundi hodhi një tjetër hap fals, duke nisur të humbë kontaktet me skuadrat e kreut.
Pasdite “e artë” për udhëtueset, Bayerni merr kreun, Leipzig humbjen e parë
