Connect with us

Hi, what are you looking for?

Kategoria Superiore

Reagon Këshilli Bashkiak i Shkodrës: Nuk po pengojmë privatizimin e Vllaznisë!

Privatizimi i klubit të futbollit Vllaznia vazhdon të jetë një çështje e nxehtë në Shkodër. Këshilli Bashkiak ka dalë me një komunikatë sëfundmi duke bërë me dije se nuk po pengon Kryetaren e Bashkisë Shkodër Voltana Ademi të nisë proçedurat për privatizimin e kuqebluve, duke ia kaluar topin pikërisht Voltana Ademit. Për të privatizuar klubin e futbollit Vllaznia interesohet sponsori Alban Xhaferri.

“Në cilin nga këto momente nuk ka qenë i qartë vizioni dhe mesazhi që Vllaznia duhet të privatizohet dhe ne jemi PRO këtij procesi? Këshilli Bashkiak kërkoi vendosjen e rregullit dhe zbatimin e sugjerimeve cilësore të ekspertëve.

Pse pikërisht në momentin që organi kompetent ushtron një të drejtë legjitime në lidhje me kontrollin e një SH.A.-je në pronësi të vetën dalin në pah teori konspirative të tipit “Këshilli Bashkiak po pengon privatizimin”?

Asgjë dhe askush nuk e ka penguar Kryetaren e Bashkisë, që nga konstituimi i këtij këshilli të paraqiste apo të diskutonte në mbledhje të këshillit vizionin, kushtet dhe kriteret për privatizimin e Vllaznisë. Pse pikërisht në këtë moment deklarohet propozimi për nisjen e procedurave të privatizimit?

Ku ishin para 4 vitesh me këtë premtim elektoral, që jo vetëm nuk u realizua 1/4 e tij por Vllaznia ra në Kategori të Parë nga keqmenaxhimi dhe jo vetëm ai financiar? Këshilli Bashkiak NUK përcakton individët apo subjektet që do fitojnë ankandin, por vendos mbi shitjen e aksioneve.

Vendosjes të një standardi më të lartë i tremben aktorët e politikave të vjetra, por sportdashësit e dinë cila është rruga më e drejtë për Vllazninë. S’ka më kohë për eksperimente, me formula të dështuara”, shkruhet në postimin e bërë nga Këshilli Bashkiak Shkodër.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...