Rinisja e futbollit në Spanjë nuk ka qenë edhe aq pozitive për Betisin, por sidomos për trajnerin Rubi, i cili është shkarkuar zyrtarisht nga drejtimi i ekipit andaluz. Humbja në derbin ndaj Sevillas, barazimi ndaj Granadës në shtëpi, si dhe humbja ndaj Bilbaos kanë bërë që drejtuesit e klubit të marrin vendimin drastik për Rubin, i cili kishte ardhur në krye të stolit në qershor të vitit të shkuar. Për momentin, rolin e trajnerit te Betisi e ka marrë Alexis Trujillo, i cili e bën diçka të tillë për herë të dytë, pasi edhe në vitin 2017 e drejtoi ekipin përkohësisht pas shkarkimit të trajnerit të asokohe Victor Sanchez.