Start perfekt i sezonit nga Real Sociedad në Primera Division. Pas suksesit 2-3 në fushën e Celta Vigos në javën e parë, skuadra nga San Sebastiani shkatërroi 3-0 në “Anoeta” Villarealin, që me këtë humbje mbetet në fundin e tabelës me zero pikë.
Në minutën e 25-të pas një goditjeje këndi të vendasve përfitoi Willian Jose, që mundi ta mposhtte portierin në tentativën e dytë.
Në minutën e 34-rt sërish një harkim nga e majta krijoi amulli në zonën e Villarealit, ku Prieto nuk hezitoi për ta dërguar topin në rrjetë.
Në fund të pjesës së parë Juanmi i shërbyer me zgjuarsi Elustondo kaloi me parabël edhe portierin Ferndez, për golin e 3-0.
Praktikisht kjo ndeshje u mbyll që në pjesën e parë, ndërsa gjatë 45 minutave të dyta, pavarësisht rasteve të krijuara në të dyja portat rezultati nuk ndryshoi më, me Villarealin që mori një shuplakë të fortë nga Real Sociedadi.