Reali i Madridit bëri detyrën mbrëmjen e sotme në “Santiago Bernabeu”, ku mposhti me rezultatin 3-1 Real Sociedadin dhe me 3-pikëshin e marrë iu bashkua Barcelonës në krye të renditjes me 28 pikë në total.
Baskët befasuan madrilenët që në minutën e dytë, kur kaluan në avantazh me anë të Willian Jose, por Karim Benzema riktheu baraspeshën në minutën e 37’, duke bërë që skuadra të shkojnë në barazim në dhomat e zhveshjes.
Në pjesën e dytë të besuarit e Zinedine Zidane shënuan edhe dy herë të tjera, fillimisht me anë të Valverdes dhe më pas me Luka Modric, duke vulosur fitoren dhe marrjen e tre pikëve që i ngjit në krye të renditjes bashkë me Barcelonën.
