Mund të quhet java e Realit të Madridit në Primera Division. Skuadra kampione në fuqi e Europës fitoi lehtësisht 3-0 me Alaves në “Santiago Bernabeu” duke përfituar dyfish; nga ndalesa e Barcelonës 2-2 me Valencian dhe nga humbja 1-0 e Atleticos së Madridit në fushën e Betisit.
Benzema në minutën e 30-të, Vinicius në të 80-ën dhe Mariano në kohën shtesë ishin autorë të golave për skuadrën e drejtuar nga Santiago Solari, që me këtë fitore kthehet në garë për titullin kampion. Barcelona mban vendin e parë me 50 pikë, 8 më shumë se “Los Blancos”, ndërsa Atletico renditet në vend të dytë me vetëm dy pikë më shumë rivalët ndërqytetas.
Është kthyer në formën më të mirë francezi Karim Benzema, i cili shënoi golin e 6-të në 4 ndeshjet e fundit të Realit, 2 në kampionat dhe 2 të tjera në Kupën e Mbretit.
