Humbje, por pa dëme anësore, e Realit të Madridit me Rayo Vallecanon me rezultatin 1-0. Golin e vetëm të këtij derbi të Madridit e shënoi Ebarba me 11 metërsh që në minutën e 23-të, rezultat që mbeti në fuqi deri në vërshëllimën e fundit të gjyqtarit.
“Los Blancos”, tashmë në kuotën e 65 pikëve, nuk kanë më pretendime për t’i rrëmbyer vendin e dytë Atleticos, por as kërcënohen nga Getafe, që ka 10 pikë pak.
Për këtë arsye edhe trajneri Zinedine Zidane, kishte bërë ndryshime në formacion, duke hedhur në fushë emra të rinj si Vallejas apo Mariano.
Surprizën më të madhe të ditës e bën Girona, që mposhti 1-0 Sevillan, Real Sociedadi mposhti 2-1 Getafen, ndërsa Villarreal – Huesca përfundoi 1-1.
